Main shayar badnaam, maiN chalaa maiN chalaa
Mehfil se nakaam, maiN chalaa maiN chalaa.


Mere ghar se tumko kuchh saamaan milega
Deewane shayar ka ik deevaan milega
Aur ik cheez milegi
Toota khali jam, maiN chalaa maiN chalaa.


SholoN pe chalna tha kaaNtoN pe sona tha
Aur abhi ji-bhar ke qismat pe rona tha
Jane aise kitne
Baqi chorr ke kaam, maiN chalaa maiN chalaa.


Rastaa rok rahi hai thodi jaan hai baqi
Jaane toote dil meiN kya armaan hai baqi
Jane bhi de ay dil
Sabko mera salaam, maiN chalaa maiN chalaa.