* khizaN ke phool pe aati kabhi bahaar nahiN *
khizaN ke phool pe aati kabhi bahaar nahiN
mere naseeb meiN ay dost tera pyar nahiN.
na jane pyar meiN kab maiN zubaN se phir jaauN
maiN banke aaNsoo khud apni nazar se gir jaauN
teri qasam hai mera koii aitbaar nahiN.
maiN roz lab pe nai ek aah takta huN
maiN roz ek naye gham kii raah takta huN
kisi khushi ka mere dil ko intezaar nahiN.
ghareeb kaise mohabbat kare ameeroN se
bichhad gaye haiN kai raNjhe apni heeroN se
kisi ko apne muqddar pe akhtiyar nahiN.
|