dil shad tha ki phool khileNge bahaar meiN
mara gayaa ghareeb isi aitbaar meiN.


mujhe teri mohabbat ka sahara mil gayaa hota
agar toofaaN nahiN aataa kinara mil gayaa hota.


na tha manzoor qismat ko, na thi marzi bahaaroN kii
nahiN to is gulistaN meiN kami thi kya nazaaroN kii
meri nazaroN ko bhi koi nazaara mil gayaa hota.


khushi se apni aaNkhoN ko maiN ashkoN se bhigo leta
mere badle tu haNs leti tere badle maiN ro leta
mujhe ay kash tera dard sara mil gayaa hota.


mili hai chandni jinko ye unki apni qismat hai
mujhe apne muqaddar se faqat itni shikayat hai
mujhe toota hua koi sitara mil gayaa hota.


ANAND BAKSHI