Likkhe'nge roz nayee daastan kaghaz par
Utarden'ge yu'n zehni takaan kaghaz par

Phir us ke baad hi pokhta makaan banta hai
Banati pahle hai duniya makan kaghaz par

Hai'n  naqsh kaghzi Ghalib ke payedar bahut
Gaye hai'n chhor kar aise nishan kaghaz par

Hamare harf  kare'nge mukaalma tum se
Ham apne lafz ko de'nge zoban kaghaz par

Zami'n fikr pe un ki bulandiya dekho
Utar laaye hai'n woh asman kaghaz par

Na jane keya likha us ne jawab me'n khat ke
Laga hai kal se ae "Shaheen'' dhayan kaghaz par

				Falte No.3 Amina Apts. 5D-24,Block-M,
				North Nazimabad, Karachi-33, Pakistan