Mujh me’n jo kuchh achchhaa hai sab us kaa hai
meraa jitanaa charchaa hai sab uskaa hai

us kaa meraa rishtaa badaa puraanaa hai 
main ne jo kuchh sochaa hai sab us kaa hai

merii aankhen us kii nuur se roshan hain 
main ne jo kuchh dekhaa hai sab us kaa hai

main ne jo kuchh khoyaa thaa sab us kaa thaa 
main ne jo kuchh paayaa hai sab uskaa hai

jitanii baar main TuuTaa huu’n vo tootaa thaa 
idhar udhar jo bikharaa hai sab us kaa hai