* مجھ میں جو کچھ اچھا ہے سب اُس کا ہے *
مجھ میں جو کچھ اچھا ہے سب اُس کا ہے
میرا جتنا چرچا ہے سب اُس کا ہے
اُس کا میرا رشتہ بڑا پُرانا ہے
میں نے جو کچھ سوچا ہے سب اُس کا ہے
میری آنکھیں اُس کے نُور سے روشن ہیں
میں نے جو کچھ دیکھا ہے سب اُس کا ہے
میں نے جو کچھ کھویا تھا سب اُ س کا تھا
میں نے جو کچھ پایا ہے سب اُس کا ہے
جتنی بار میں ٹُوٹا ہُوں وہ ٹُوٹا تھا
ادہر اُدہر جو بکھرا ہے سب اُس کا ہے
(کشمیری لال ذاکر)
|