* مرے ہر شعر میں زندہ دلی کا عکس ملتا *
مرے ہر شعر میں زندہ دلی کا عکس ملتا ہے
مری غزلوں میں میری زندگی کا عکس ملتا ہے
کبھی جب خواب میں مجھ کو نظرآتی ہے میری ماں
جواں آنکھوں میں بچپن کی خوشی کا عکس ملتا ہے
تو چاہے عیب گنوائے ، تو چاہے خوبیاں چن لے
مری تحریر میں میری خودی کا عکس ملتا ہے
جدا امّی سے ہوکر بوڑھے لگتے ہیںمرے ابّو
اب اُن کی بات میں بوسیدگی کا عکس ملتا ہے
سلام اُس دخترِ اسلام کو کرتی ہوں میں نغمہؔ
کہ جس کی ذات میں بنتِ نبیؐ کا عکس ملتا ہے
************************* |