* ہم نشینوں کا حق یوں ادا کیجئے *
ہم نشینوں کا حق یوں ادا کیجئے
خوش رہیں وہ سدا یہ دعا کیجئے
رشتے قائم رہیں پیار بڑھتا رہے
کچھ تحائف لیا اور دیا کیجئے
دشمنوں میں بھی غیرت جگائے رکھے
ان کی تعظیم ایسے کیا کیجئے
یہ بھی اندازِ الفت ہے اے ہمنشیں
درد خود دیجئے پھر دوا کیجئے
دیجئے مجھ کو دھوکے تو کچھ غم نہیں
آپ خود کو نہ دھوکا دیا کیجئے
آپ اتنے دوانے نہ بن جایئے
زخم کا پتھروں سے گلہ کیجئے
سر بلندی جو دارین میں چاہئے
جان و دل بس خدا پر فدا کیجئے
نغمہؔ اوروں کی تسکینِ دل کے لئے
بے وفائوں سے یونہی وفا کیجئے
*********************** |