* سنا ڈالو مرے جذبات کی اک اک کہانی ک *
سنا ڈالو مرے جذبات کی اک اک کہانی کو
وگرنہ وقت کوسے گا تمہاری بے زبانی کو
قریب آئو مری تقدیر میں ناکامیاں لکھ دو
کوئی انجام تو مل جائے میری خوش گمانی کو
تری تصویر ، تیرے خط، ترے تحفے محبت کے
حفاظت سے میں رکھتی ہوں تری اک اک نشانی کو
جہاں آئینہ ہوتا ہے وہیں پتھر بھی رکھتی ہوں
ہمیشہ یاد رکھوں تاکہ تیری مہربانی کو
میں نغمہؔ پیکرِ خاکی تھی مشتِ خاک ہی تو تھی
مکمل کردیا ہے حادثوں نے زندگانی کو
*********************** |