* APNE LIYE EK NAZM******* *
APNE LIYE EK NAZM*******
Meri har soch ke qadam par
Parayee khaahishoN ke pahre haiN
Mera gham,meri khushi
Mera dukh,meri bebasi
Yeh sab jaise kisi ajnabi haathoN ke
Wafadaar mohre haiN
Ke jab bhi dekho
Parayee aaNkhoN ke ishaaroN par
Subha se shaam tak
Naachte hi rahte haiN
Aur ab to mera wajood
Meri zaat ka itna munkir ho chuka hai
Ke jab bhi jiska jee chaahe
Mujhe mujh se cheen kar le jaaye
Mera mai chup chaap dekhta rahta hai
Mera dil kabhi mere liye bhi tadpe
Us ek lamhe ko tarastaa rahta hai
*(By : RAFI HAIDER ANJUM )
|