* Kisi ki aankho'n mei'n behad haseen manzer thaa *
Kisi ki aankho'n mei'n behad haseen manzer thaa
mera badan thaa jazeera woh ek samundar thaa
woh jalte pankh liye barh raha thaa meri taraf
merii rago'n mei'n thathurta hua december thaa
jo aik jugnoo sa bujhta raha damakta raha
wo ajnabi to shanasao'n se bhii behtar thaa
barae naam to paani thaa, us ke charo'n taraf
magar jo thahra to saharaa mei'n wo shanavar tha
ajeeb baat batayee hai jogino ne hamei'n
woh boorha sadhu nahii khaufnaak khanjar thaa
'Kanwal' thee tez hawae'n mere ta'aqub mei'n
mai apni waqt ka jalta hua calender thaa
|