Guzre hai'n ittefaaq se jab bhi udhar se ham
Roae lipat lipat ke tere baam-o-dar se ham...!
Tu ai shab-e-firaaq guzar ja kisi tarah............
Phir apna haal poochhe'n ge shaam-o-sahar se ham!
Le jaao aaine ki zaroorat nahi'n rahi...............
Ab khud ko dekhte hai'n kisi ki nazar se ham....!
Aisa nahi'n ke yaad se ghaafil wahi raha...........
Kuchh apne aap se bhi rahe be-khabar se ham.!
Baithe hue hai'n raah me'n kuchh yaad bhi nahi'n
Nikle the kab, kahaa'n ke kiye, apne ghar se ham!
Apna bhi kya orooj tha, kaisa zawaal hai..........?
Ab aur kya gire'n ge maqaam-e-bashar se ham..!
Dushman hai ek azal se shareek-e-safar 'Shamim'
Ek taak me'n laga hai ke laute'n safar se ham......!