* Kahaa'n kahaa'n nahi'n dhoo'nda makaan me'n bhi na tha... *
Kahaa'n kahaa'n nahi'n dhoo'nda makaan me'n bhi na tha...
Zamee'n to kya wo'h kahi'n aasmaan me'n bhi na tha..........!
Kahaa'n se karb samete hue chala aaya................................
Mere lahu ka parinda'h uRaan me'n bhi na tha......................!
Guzar gaya hai zamaana u'si ko hal karte...............................
Jo ek sawaal mere imtehaan me'n bhi na tha.........................!
U'si pe chee'n ba-jabee'n hai'n tamaam shahr ke log..............
Wo'h eik lafz jo mere bayaan me'n bhi na tha........................!
Haseen rut ki tarah phir se laut aaye ga..................................
Yaqee'n me'n kya mere wahm-o-gumaan me'n bhi na tha.....!
U'si ke zakhm se seena fagaar hai apna..................................
Wo'h eik teer jo teri kamaan me'n bhi na tha.........................!
Yahaa'n wahaa'n se mujhe joR kar paRha ho ga....................
Mai'n harf-harf kisi daastaan me'n bhi na tha...........................!
'Shamim ke qad-o-qaamat ko naapne waalo...........................
Bala'ndio'n me'n to kya wo'h dhalaan me'n bhi na tha.............!
****** |