* Hamesha apne badan ko lahu me'n tar rakhna........ *
Hamesha apne badan ko lahu me'n tar rakhna........
Wo'h dast maa'nge to khanjar pe us ke sar rakhna..!
Masaafato'n ki kahi'n manzile'n nahi'n hoti'n............
Hamesha paao'n se baa'ndhe hue safar rakhna.......!
Qafas se nikle magar hirs-e-aab-o-daana me'n........
Parinde bhool gaye apne baal-o-par rakhna.............!
Har eik lamha jahaa'n soorate'n badalti ho'n............
Kisi ki yaad ko mushkil hai umr bhar rakhna..............!
Yahi nahi'n ke faqat haath hi dua ko uthe'n................
Jo ho sake to hatheli pe chashm-e-tar rakhna............!
Phir apne khaab kahi'n bhool kar chala aaya...............
Ye'h lat ajeeb hai cheeze'n idhar-udhar rakhna..........!
Jahaa'n se manzil-e-jaanaa'n ka kuchh suraagh mile...
Nigaah me'n koyi aisi bhi rahguzar rakhna..................!
'Shamim' log wahaa'n khud ko bhool jaate hai'n..........
Dayaar-e-ghair me'n apni bhi kuchh khabar rakhna......!
****** |