Ek kiran ummeed ki aati rahe jaati rahe.......
Zindagi apne kiye par aap sharmaati rahe.....!
Ab koyi kashti na utre gi na toofaa'n aaye ga
Mauj apna sar yu'n hi saahil se takraati rahe..!
Ham ne kab dekha kisi mausam me'n ye'h shaadaab thi
Ab rahe sar-sabz chaahe shaakh murjhaati rahe..!
Raas aakhir aa gaya sookha hua dariya mujhe....
Ab nadi sau-tarh bal kha kha ke lahraati rahe...!
Zindagi se aur bas is ke siwa kya chaahiye........
Mai'n bhi samjhaata rahu'n kuchh ye'h bhi samjhaati rahe...!
Jaante hai'n ham ma,aal-e-roz-o-shab phir bhi 'Shamim'..
Aarzoo de kar khilaune dil ko bahlaati rahe.........!
******