* Aag ko phool kahu'n zakhm ko marham likkhu'n....... *
Aag ko phool kahu'n zakhm ko marham likkhu'n.......
Chaahta hai ke mai'n shole ko bhi shabnam likkhu'n..!
U'ngliaa'n daal lu'n kaano'n me'n agar cheekh sunu'n
Aur aa'nkho'n se jo dekhu'n use kam kam likkhu'n....!
Jalti laasho'n ke kinaare mai'n alaapu'n koyi raag........
Aur ukhRi hui saa'nso'n ko bhi sargam likkhu'n...........!
Log kahte hai'n ke zulfo'n me'n kahi'n kham hi nahi'n..
Aur mai'n hu'n ke har ek zulf ko barham likkhu'n.........!
Ek ajab karb hai aur uska taqaaza'h hai 'Shamim'.........
Daastaa'n dard ki likkhu'n ise paiham likkhu'n...............! |