donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Mirza Ghalib
 
Share this Design Poetry to Aalmi Urdu Ghar
MIRZA GHALIB : Dayem Pada Huwa Ho Tere Dar Par Nahi.n Hoo.n Mai.n
        
Mirza_Ghalib_839601429710706.jpg
daayam pa.Daa huaa tere dar par nahii.n huu.N mai.n
Khaak aisii zindagii pe ke paththar nahii.n huu.N mai.n

[daayam=forever]

kyuu.N gardish-e-mudaam se ghabaraa na jaaye dil
insaan huu.N, pyaalaa-o-saaGar nahii.n huu.N mai.n

[gardish=bad time/luck; mudaam=always]

yaarab! zamaanaa mujh ko miTaataa hai kis liye
lauh-e-jahaa.N pe harf-e-mukarrar nahii.n huu.N mai.n

[harf=alphabet; mukarrar=again]

had chaahiye sazaa me.n uquubat ke waaste
aaKhir gunaahagaar huu.N, kaafir nahii.n huu.N mai.n

[uqoobat=pain]

kis waaste aziiz nahii.n jaanate mujhe
laal-o-zumaruud-o-zar-o-gauhar nahii.n huu.N mai.n

[laal=ruby; zumuruud=emerald; zar=gold; gauhar=pearl]

rakhate ho tum qadam merii aa.Nkho.n se kyuu.n dareG
rutabe me.n mahr-o-maah se kamatar nahii.n huu.N mai.n

[dareG=concealed, mahr=sun, maah=moon]

karate ho mujhako manaa-e-qadam_bos kis liye
kyaa aasmaa.N ke bhii baraabar nahii.n huu.N mai.n

[bosa=kiss]

'Ghalib' wazifaa_Khwaar ho, do shaah ko duaa
wo din gaye ki kahate the "naukar nahii.n huu.N mai.n"

[wazifaa_Khwaar=pensioner]

*****************
 
Comments


Login

You are Visitor Number : 774