donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Mirza Ghalib
 
Share this Design Poetry to Aalmi Urdu Ghar
MIRZA GHALIB : Kisi Ko Deke Dil Koyi Nawa Sanje Fagha.n Kiyo.n Ho
        
Mirza_Ghalib_312581429710544.jpg
kisee ko de ke dil koee nawaa_sanj-e-fuGHaaN kyoN ho ?
na ho jab dil hee seene meiN to fir muNh meiN zubaaN kyoN ho ?

woh apnee KHoo na choDenge, ham apnee waz'a kyoN badleiN ?
subak_sar banke kya poocheiN ki ham se sar_giraaN kyoN ho ?

kiya GHam_KHwaar ne ruswa, lage aag is muhabbat ko
na laaye taab jo GHam ki, woh mera raazdaaN kyoN ho ?

wafa kaisee ? kahaaN ka ishq ? jab sar phoDna THehra
to fir 'ei sang_dil tera hee sang-e-aastaaN kyoN ho ?

qafas meiN mujh se roodaad-e-chaman kehte na Dar hamdam
giree hai jis pe kal bijlee woh mera aashiyaaN kyoN ho ?

ye kah sakte ho "ham dil meiN naheeN haiN" par ye batlaao
ki jab dil meiN tumhee-tum ho to aaNkho se nihaaN kyoN ho ?

GHalat hai jazba-e-dil ka shikwa, dekho juRm kiska hai
na khiNcho gar tum apne ko kashaakash darmiyaaN kyoN ho ?

ye fitna aadmee ki KHaana_weeraanee ko kya kam hai ?
hue tum dost jiske, dushman uska aasmaaN kyoN ho ?

yahee hai aazmaana to sataana kis ko kehte haiN ?
`adoo ke ho liye jab tum to mera imtihaaN kyoN ho ?

kaha tumne ki "kyoN ho GHair ke milne meiN ruswaaee ?"
baja kehte ho, sach kehte ho, fir kahiyo ki "haaN kyoN ho ?"

nikaala chaahata hai kaam kya taa'anoN se too 'GHalib'
tere be_mehar kehne se wo tujh par meharabaaN kyoN ho ?


*****
 
Comments


Login

  • sharib rizvi
    27-04-2015 16:17:34
    i made this comment about the ghazal :

    \\\"na kisi ki aankh ka noor hun, na kise k dil ka qarar hun\\\"

    which was shown in the design poetry section as written by ghalib...which is totally incorrect. It is by Bahadur Shah Zafar

    Now that ghazal has been removed so my comment appears to be wrong. which is an incorrect picture of the correspondence on the site

    syed iqbal rizvi sharib
  • sharib rizvi
    23-04-2015 06:54:53
    pls check whether this ghazal is by Ghalib or by Bahadur Shah Zafar.

    pls. correct it ,if wrong

    syed iqbal rizvi sharib
You are Visitor Number : 2283