KAHI.N PE JISM KAHI.N PUR KHAYAAL RAHTA HAI,

MOHABBATO.N MEI.N KAHA.N AETEDAL RAHTA HAI,

FALAK PE CHAAND NIKALTA HAI AUR DARIYA MEI.N,

BALA KA SHOR, GHAZAB KA UBAAL RAHTA HAI,

DYAARE DIL MEI.N BHI AABAD HAI KOI SAHRA,

YAHAA.N BHI WAJD MEI.N RAQSAA.N GHAZAAL RAHTA HAI,

CHHUPA HAI KOI FASOO.N GAR SARAAB AANKHO.N MEI.N,

KAHI BHI JAAYO USI KA JAMAAL RAHTA HAI,

TAMAAM HOTA NAHI ISHQ NA TAMAAM KABHI,

KOI BHI UMR HO YEH LAA ZAWAAL RAHTA HAI,

WESAALE JISM KI SOORAT NIKAL TO AATI HAI,

DILO.N MEI.N HIJR KA MAUSAM BAHAAL RAHTA HAI,

KHUSHI KE LAAKH WASAAEL KHARIID LO AALAM,

DILE SHIKASTA MAGAR PUR MALAAL RAHTA HAI,