Zamii.n pe roz hi mahtab dekh leta hoo.n,

Mai.n chalta phirta khwab dekh leta hoo.n,

Meri nazar se pare saikrho.n jaha.n ho.nge,

Mai.n ik jaha.n tahe aab dekh leta hoo.n,

Huaa hoo.n aashna ,kuch is tarah darya se,

Kaha.n hai.n tah nashi.n garde ab dekh leta hoo.n,

Mai.n tute , bikhre hue beshumar logo.n me.n,

Naye nezam ke aadab dekh leta hoo.n ,

Kheyal rahta mujh ko kisi musafat ka ,

Hamesha nama-E-asbab dekh leta hoo.n,

Vo yad aata hai jab tapte regzaro.n me ,

Koyee darakht mai.n shaadaab dekh leta hoo.n,

Ajiib dhund hai mai.n apni haar mn Aalam ,

Shikaste gunbado mehrab dekh leta hoo.n .