Paresha.n hoo.n seyahii mei.n kami hoti nahii,
Charaaghaa.n kar raha hoo.n raushnii hotii nahi hai,
Bahut chaaha ke aa.nkhe.n band karke mai.n bhi jee loo’n,
Magar mujhse basar yoo’n zindagii hoti nahii.n hai,
Lahoo ka aik ik qatrah pilata jaa raha hoo.n,
Agarcha khaak mei.n paida namii hoti nahii.n hai,
Dariicho.n ko khula rakhta hoo.n mai.n har waqt lekin,
Hawa mei.n pahle jaisi Taazgii hoti nahii.n hai,
Mai’n rushwat ke masalle par namaaze.n padh naa paaya,
Badi ke saath mujhse bandagii hoti nahi.n hai,
Bura hai dushmani seaashnaa hona bhii Aalam,
Kisi se ab hamarii dostii hoti nahi.n hai.