غزل

ہر لمحہ چاند چاند نکھرنا پڑا مجھے
ملنا تھا اس لئے بھی سنورنا پڑا مجھے

آمد پہ اُس کی پھول کی صورت تمام رات
ایک اُس کی رہ گزر پہ بکھرنا پڑا مجھے

کیسی یہ زندگی نے لگائی عجیب شرط
جینے کی آرزو لئے مرنا پڑا مجھے

ویسے تو میری راہوں میں پڑتے تھے میکدے
واعظ تری نگاہ سے ڈرنا پڑا مجھے

آئینہ ٹوٹ ٹوٹ کے مجھ میں سما گیا
اور ریزہ ریزہ ہوکے بکھرنا پڑا مجھے
آشاؔ پربھات

Koat Bazar
Sitamarhi-843302
(BIHAR)
Mob: 9835263251
9470449526

بہ شکریہ جانِ غزل مرتب مشتاق دربھنگوی
+++