غزل

جزفناعشق میں تدبیرمقدرنہ ہوئی

زندگی موت سے آخرکبھی جانبرنہ ہوئی
ہائے منہ پھیرکے ظالم نے کیاکام تمام
وصل تووصل جُدائی بھی میسرنہ ہوئی
گھٹ گئی وصل میں،فرقت میںبڑھی تھی جتنی
رات عاشق کی کبھی دن کے برابرنہ ہوئی
زیست انسان کی تاروزِ قیامت معلوم
جان لوساعتِ دیدارمقررنہ ہوئی
غیرِمحبوب حجاب ِ رُخِ محبوب نہ تھا
مجھ سے تدبیرِ علاجِ دل ِ مضطرنہ ہوئی
وہ نہ تھاہم سے جُداہم بھی جُدااُس سے نہ تھے
نہ ہوئی پھرجوملاقات توکیوںکرنہ ہوئی
کیوں چھُری پھرتی گلے پُرنہ پہونچتااے کاش
میری قسمت پرِپروازِ کبوت رنہ ہوئی
جُزوِتن ہوکے کسی رشکِ چمن کے ہوتے
لاغری رُوکشِ رگہائے گُلِ ترنہ ہوئی
طولِ شب ہائے جدائی کونہ پوچھومجھ سے
زلفِ جاناں سے کمی بال برابرنہ ہوئی
بے کسی میںشبِ غم موت توسوئی تھی کہیں
سانس آئی بھی جوکم بخت توخنجرنہ ہوئی
غیرکادھیان تک اب دل میں نہیں رشک کہاں
بس محبت وہ تمہاری ہے کہ باہرنہ ہوئی
ذرہ ذرہ سے ہواشورِ اناانشمس بلند
ایک میں ہوںکہ توجہ تری مجھ پرنہ ہوئی
سال ِراہِ فنامجھ سے تعلّی کی نہ لے
جان کس کوغمِ محبوب میںدوبھرنہ ہوئی
زندگی کانہ اداخاک ہواحق آسیؔ
جان جب خاکِ رہِ آل پیمبرؐ نہ ہوئی

٭٭٭