غزل

محروم ہم ہوں گے اور وہ گھورا کرے تمہیں
کس طرح چشم روزن دیوار باندھئے
سوز دروں سے آتی ہے کیا بوئے مست آج
دود جگر کو گیسوئے دلدار باندھئے
کیفیت نظارہ جاناں سے کھل گیا
مخمور چشم مست کو ہشیار باندھئے
اچھا نہیں ہے سانپ کو پہلو میں پالنا
دل میں خیالِ زلف نہ زنہار باندھئے
کرئیے نظارے ان کے تصور میں رات دن
خاکِ جگر کو روزن دیوار باندھئے
کچھ دل ہی جانتا ہے میرا ناز حسن کے
وہ ظلم بھی کریں تو اسے پیار باندھئے

٭٭٭