غزل

مشتاق ترکِ لذتِ گفتارکیوں کرے
دیدارہی کے واسطے اصرارکیوں کرے
جب تاب ہی نوائے جگرسوزکی نہیں
صیادحرصِ مُرغِ گرفتارکیوں کرے
ہاںخودنہیں وہ، سایہ ہی اُس کاسہی مگر
یوں بے حجاب رُخ پسِ دیوارکیوں کرے
معشوق ہے علاجِ دلِ دردمندِوصل
گودل کی بات ہومگراقرارکیوں کرے
انصاف اے روانی ٔ تیغِ نگاہِ یار
مجھ کودکھاکے سوئے عدووارکیوں کرے
کھایامجھے بھی غم نے عوض کاگلانہیں
غم اس لیے تواے مرے غم خوارکیوں کرے
اللہ رے تیرے عشق کی رنگین مزاجیاں
ایسانہ ہوتوآنکھوں کوخوںبارکیوںکرے
فرصت کہاںنظارۂ رُخسارِیارسے
دل فصلِ گُل میںرغبت گل زارکیوں کرے
تڑپے توسرپرایک قیامت کرے بپا
زلف اس کی ایسے دل کوگرفتارکیوں کرے
طاقت نہ ہوجو دیکھنے والوںکی آہ کی
یوں کوئی اپنی وضع طرح دارکیوں کرے
اک ہاں میںبے قراریوںکی ہے نہیں یہاں
گووصل ناگوارہوانکارکیوں کرے
گردن ہواوربارِکرم یہ کہاں قبول
اپناہی سرنہ کیوں ہوگراں بارکیوں کرے
باروت کاتوگھرنہ کہیں ہورقیب کا
یعنی وہ منعِ آہِ شرربارکیوں کرے
مسک کرم نہ دیکھ سکے گارقیب کا
ناصح نہ منعِ چشمِ گہربارکیوں کرے
ترچھی نگاہ تیغِ جدائی سے تیزہے
عاشق کی مرگِ سہل وہ دشوارکیوں کرے
بوسے سے بڑھ کے بھی جوکوئی شے لذیذہو
تسلیم کامزارہوتوتکرارکیوںکرے
کیساکرم یہ ضعف میں ہے پیسنے کی گھات
سرپرہمارے سایہ وہ دیوارکیوں کرے
موسیٰ اگرملیں تویہ ہے پوچھنے کی بات
دل ہی نہ ہوتوحسرتِ دیدارکیوں کرے
محشرمیں کچھ غرض مئے دیدارسے نہیں
دورِاخیرمیںوہ گنہ گارکیوں کرے
آسیؔ کوبھی بناہی کے چھوڑاشراب نوش
جوپارساہوصحبتِ مے خوارکیوں کرے
٭٭٭