غزل
کچھ کہوں کہناجومیراکیجئے
چاہنے والے کوچاہاکیجئے
حوصلہ تیغِ جفاکارہ نہ جائے
آیئے خونِ تمناکیجئے
فتنۂ روزِقیامت ہے وہ چال
آج وہ آتے ہیںدیکھاکیجئے
کس کودیکھاان کی صورت دیکھ کر
جی میں آتاہے کہ سجداکیجئے
فتنے سب برپاکئے ہیں حسن کے
میری الفت کونہ رُسواکیجئے
ہومسلم وسعتِ ذوقِ نظر
قطرے میں جب سیرِ دریاکیجئے
حورِجنت ان سے کچھ بڑھ کرسہی
ایک دل،کیاکیاتمناکیجئے
گوسمجھتاہوںن ہانے کاسبب
آیئے ٹھنڈاکلیجاکیجئے
کردیاحیرت نے مجھ کوآئینہ
بے تکلف منہ دکھایاکیجئے
جوش میںآجائے رحمت کی طرح
ایک اک قطرہ کودریاکیجئے
نامُرادوںکاجوشکوہ تلخ ہے
کیوں کسی کی بات ماناکیجئے
غیرپیاراہے نظرشمشیرِتیز
میری ہی جانب کودیکھاکیجئے
نام اگردرکارہے مثلِ نگیں
ایک گھرمیںجم کے بیٹھاکیجئے
مل چکے اب ملنے والے خاک کے
قبرپرجاجاکے رویاکیجئے
کون تھاکل باعثِ بے پردگی
آپ مجھ سے آج پرداکیجئے
ایک وصل ان کاوہ قسمت میں نہیں
اورکس شے کی تمناکیجئے
کل کی باتوں میں توکچھ نرمی سی ہے
آج پھرقاصدرواناکیجئے
راہ تکتے تکتے آسیؔ چل بسا
کیوں کسی سے آپ وعدا کیجئے
٭٭٭