غزل
ہاں یہ مانا کہ جو نکلے بھی تو مر کر نکلے
پر یہ حیرت ہے کہ اس کو چہ سے کیوں کر نکلے
آتے ہیں پیکرو ہمی میں یہاں مثلِ حباب
نذرِ قاتل ہے اگر سر تہہ افسر نکلے
شمع کی طرح ہجوم آج ہے پروانوں کا
کیا وہ رکھے ہوئے سر پہے کلہ زر نکلے
دیکھ کر حُسن بتاں منہ سے نکلتا درود
پھول بن کر میری نظروں میں یہ پتھر نکلے
وہ چلے چال کہ پامال ہے سارا عالم
جان تم بھی صفتِ چرخِ ستم گر نکلے
کوئے قاتل سے کروں میں سفرِ ملک عدم
کوئی رستا جو بسانِ دم خنجر نکلے
ہیں وہ مے نوش کہ لالے کی طرح خاک سے بھی
ہم چڑھائے ہوئے جام مئے احمر نکلے
کون یوسف کی طرح باغ میں بکنے آیا
کہ گل و غنچہ لئے مٹھیوں میں زر نکلے
دیکھ کر جنگِ سخن مصرع پُر آب مرے
مثلِ ابروئے صنم باندھے کہ خنجر نکلے
پھر یہ بخت ہی کہلائوں سویدا کی طرح
دلِ روشن میں بھی بالفرض اگر گھر نکلے
ترکِ چشمان صنم لڑئے آپس ہی میں
دونوں جانب سے بھوئیں کہتی ہیں خنجر نکلے
کوچہ خاکِدل خستہ دلاں کیا کہنا
الٹو جس ذرّہ کو اُس کوچے میں دل بر نکلے
کیوں نہ مٹ جائوں میں اے دل کہ وہ فرماتے ہیں
آئوں گھر میں تیرے میں غیر جو باہر نکلے
آنسوئوں میں کہاں عکس فگن حسن ترا
دل کے ٹکڑے مری آنکھوں سے مقرر نکلے
نیک سمجھا ہے کچھ افشائے سیہ کاری عشق
دیکھنا دودِ جگر منہ سے نہ باہر نکلے
وہ نسیمِ نفس صبح سے کمھلاتے ہیں
کیوں یہ آہِ شب غم صورت صر صر نکلے
شکر محرومی اب حیوان لبِ یار
ہم سے درویش بھی ہم بختِ سکندر نکلے
باندھ دوں مژدہ مرگِ شب غم کا نامہ
طائر جاں کہیں مانندِ کبوتر نکلے
دل ہی دل کھو بیٹھے جو سینے سے لگایا اُن کو
دل جنہیں سمجھے ہم افسوس وہ دل بر نکلے
حسرتِ کوچہ محبوب میں کی باغ کی سیر
خار و گل دونوں نگاہوں میں برابر نکلے
یوں بتانے کے لئے عرش سے بھی دور رہتا
تو سہی یار کہ پہلوں میں ترا گھر نکلے
سب یہ جانیں کہ غزل آسی مے نوش کی ہے
شعر جو نکلے وہ دامن کی طرح تر نکلے
طائر جان و دل آسی شیدا دونوں
بلبل گلشن رخسار پیمبر نکلے
٭٭٭٭
