غزل
عشق میں اے کوہ کن کیا زخم سر درکار تھا
زخمِ دل درکار تھا، زخم جگر درکار تھا
اڑ کے جانا بامِ جاناں تک مگر درکار تھا
مرغِ دل کو بازوئے مرغِ نظر درکار تھا
سوزِ دل سے دستِ ماتم پنجہ خورکس لئے
ہاں شب غم چاکِ دامانِ سحر درکار تھا
پاک بازی اپنی پیغام طلب تھی عشق میں
دھوکے داغِ تہمتِ ہستی سفر درکار تھا
قرض کی کچھ گفتگوعاشق سے کرتے تھے رقیب
نالے تو کچھ کم نہ تھے شاید اثر درکار تھا
اہلِ تھے محرومیٔ دیدار کے تم اے کلیم
میں ازل کا بے جگر، مجھ کو جگر درکار تھا
کیا شرابِ حسن ساقی جاں فزا تھی واہ واہ
مے گسار و! ساغرِ ذوقِ نظر درکار تھا
چاک ہائے دل کے ٹانکے اتنی بے رحمی کے ساتھ
دردِ دل تجھ کو بھی کچھ اے چارہ گر درکار تھا
داغِ غم اُس کو نہ جان اے بلبلِ جان ِ حزیں
چلنے کو اس باغ سے برگِ سفر درکار تھا
مجھ سے بے مقدار کا دل اور جلوہ آپ کا
سچ ہے اے خورشید ہر ذرے میں گھر درکار تھا
داغِ سوزاں چھوڑکر عاشق نے لی راہِ عدم
پسر دو! تم کو چراغِ رہ گزر درکار تھا
داغ اپنا دے کے آسیؔ نے جو لی راہِ عدم
پسر دو! تم کو چراغِ رہ گزر درکار تھا
لذتِ آزار آسیؔ کو سمجھنے کے لئے
در دل تجھ کو بھی کچھ اے چارہ گردرکار تھا
٭٭٭