Kalejaa mu.nh ko aataa hai shab-e-furqat jab aatii hai Akele mu.nh lapeTe rote rote jaan jaatii hai Lab-e-naazuk ke bose luu.n to missii mu.nh banaatii hai Kaf-e-paa ko agar chuumuu.n to meh.ndii ra.ng laatii hai Dikhaatii hai kabhii bhaalaa kabhii barchhii lagaatii hai Nigaah-e-naaz-e-jaanaa.n ham ko kyaa kyaa aazmaatii hai Vo bikhraane lage zulfo.n ko chehre par to mai.n samjhaa GhaTaa me.n chaa.nd yaa mahmil me.n lailaa mu.nh chhupaatii hai Karegii apne haatho.n aaj apnaa KHuun mashshaata Bahut rach-rach ke talvo.n me.n tire meh.ndii lagaatii hai Na ko.ii zor us ayyaar par ab tak chalaa apnaa Yahaa.n dam TuuTtaa hai aur dam me.n jaan jaatii hai Ta.Dapnaa tilmilaanaa loTnaa sar piiTnaa ronaa Shab-e-furqat akelii jaan par sau aafat aatii hai Pachhaa.De.n khaa rahaa huu.n loTtaa huu.n dard-e-furqat se Ajal ke paa.nv TuuTe.n kyuu.n nahii.n is vaqt aatii hai ******************