Qatra vahii ki ruu-kash-e-dariyaa kahe.n jise Yaanii vo mai.n hii kyuu.n na huu.n tujh saa kahe.n jise Vo ik nigaah ai dil-e-mushtaaq us taraf Aashob-gaah-e-hashr-e-tamanaa kahe.n jise Biimaar-e-Gham kii chaaragarii kuchh zaruur hai Vo dard dil me.n de ki masiihaa kahe.n jise Ai husn-e-jalva-e-rukh-e-jaanaa.n kabhii kabhii Taskiin-e-chashm-e-shauq-e-nazaaraa kahe.n jise Is zof me.n tahammul-e-harf-o-sadaa kahaa.n Haa.n baat vo kahuu.n ki na kahnaa kahe.n jise Ye bakhshish apne banda-e-naachiiz ke liye Tho.Dii sii puu.njii aisii ki duniyaa kahe.n jise Ham-bazm ho raqiib to kyuu.nkar na chhe.Diye Aaha.ng-e-saaz-e-dard ki naalaa kahe.n jise Paimaana-e-nigaah se aaKHir chhalak gayaa Sar josh-e-zauq-e-vasl-e-tamannaa kahe.n jise Aasii jo gul se gaal kisii ke hu.e to kyaa Maashuuq vo ki sab se niraalaa kahe.n jise
******************