Vahaa.n pahu.nch ke ye kahnaa sabaa salaam ke baad Ki tere naam kii raT hai Khudaa ke naam ke baad Vahaa.n bhii vaada-e-diidaar is tarah Taalaa Ki khaas log talab ho.nge baar-e-aam ke baad Gunaahgaar kii sun lo to saaf saaf ye hai Ki lutf-e-rahm-o-karam kyaa phir intiqaam ke baad Talab tamaam ho matluub kii agar had ho Lagaa hu.aa hai yahaa.n kuuch har maqaam ke baad Vo khat vo chehra vo zulf-e-siyaah to dekho Ki shaam sub.h ke baad aa.e sub.h shaam ke baad Payaam-bar ko ravaana kiyaa to rashk aayaa Na ham-kalaam ho us se mire kalaam ke baad Abhii to dekhte hai.n zarf baada-KHvaaro.n kaa Subuu o KHum kii bhii Thahregii daur-e-jaam ke baad Ilaahii aasii-e-betaab kis se chhuuTaa hai Ki khat me.n roz-e-qayaamat likhaa hai naam ke baad
***********