غزل

تو رات جہاں جلوۂ کاشانہ دل تھا
آج اس کو دیکھا تو وہ دیوانۂ دل تھا
نقشِ دو جہاں گرد ش پیمانۂ دل تھا
کُن روزازل نعرۂ مستانہ دل تھا
اے پیرِمغاں خون کی بُوسا غرمے میں
توڑا جسے ساقی نے وہ پیمانہ دل تھا
ذوق ِ غم و اندوہِ محبت کے میں صدقے
جو داغ دیا تم نے وہ جانانۂ دل تھا
خوشبو وہی، رنگ وہی، مستی بھی اُسی کی
کعبہ میں بھی دورِ مئے میخانہ دل تھا
اسرار تیرے معدنِ انوار تھے جس میں
مسجد تھی نہ کعبہ وہ نہاں خانہ دل تھا
ہر موجِ نفس سینے میں اک قلزم خوں ہے
کیا میرے تصور میں کچھ افسانۂ دل تھا
آسی نے بجز تیرے جہاں کچھ نہیں دیکھا
وہ عالم ہو گوشۂ ویرانۂ دل تھا
٭٭٭