غزل

اتنا تو جانتے ہیں کہ عاشق فنا ہوا
اور اس سے آگے بڑھ کے خدا جانے کیا ہوا
شانِ کرم تھی یہ بھی اگر وہ جدا ہوا
کیا محنتِ طلب میں نہ حاصل مزا ہوا
میں اور کوئے عشق ، مرے اور یہ نصیب
ذوقِ فنا خضر کی طرح رہنما ہوا
پہچانتا وہ اب نہیں دشمن کو دوست سے
کس قید سے اسیرِ محبت رہا ہوا
شایانِ درگذرہے اگراظطرارمیں
جرمِ دراز دستیِ ذوقِ دعا ہوا
کیا کیا نہ اس نے پورے کئے مدعائے دل
لیکن پسند اُسے دلِ بے مدعا ہوا
کیاپسنداسے دل بے مدعاہوا
اس کا پتا کسی سے نہ پوچھو بڑھے چلو
فتنہ کسی گلی میں تو ہوگا اٹھا ہوا
گل رویوں کے خیال نے گلشن بنا دیا
سینہ کبھی مدینہ کبھی کربلا ہوا
پیچیدہ تھی جو سرزمیں ہوائے رضائے دوست
آسیؔ مرید سلسلۂ مرتضیٰؓ ہوا
٭٭٭