غزل

سر میں سودا ہے تو سودائے محمد ارشدؒ
دل جو شیدا ہے تو شیدائے محمد ارشدؒ
کچھ نہ پوچھو مجھے کس دشت میں کس صحرا میں
لئے پھرتی ہے تمنا ئے محمد ارشدؒ
سیرِ اقطار حقیقت کے لئے سالک کو
زادِ رہ نقدِ تولائے محمد ارشدؒ
ناخنِ پائے مبارک سے سرِ اقدس تک
جلوۂ حق ہے سراپا ئے محمد ارشدؒ
ماہ و خورشید و کواب کو سمجھتے کیا ہو
ہیں یہ سب فیض تجلا ئے محمد ارشدؒ
دل کو کر دیتی ہے مرأت جمالی ازلی
نگہِ لطف دل آرائے محمد ارشدؒ
مشعلِ راہِ ہدایت ہے اگر ہاتھ آجائے
ذرہ خاک کفِ پا ئے محمد ارشدؒ
ہائے رے ہائے وہ الطاف و عنایت کی رات
اے میں قربانِ کرم ہا ئے محمد ارشدؒ
آنکھیں اندھی نہ تمہاری ہوں تو اے شمس و قمر
دیکھو نورِ رخ زیبا ئے محمد ارشدؒ
کھینچی ہے عالم بالا میں بھی طوبیٰ نے کہیں
صورتِ قامتِ رعنا ئے محمد ارشدؒ
دوست کا دوست بھی ہے آئینہ دار رخ ِ دوست
عارفِ حق ہے شناسا ئے محمد ارشدؒ
کر دیا دولتِ کونین سے آسی کو غنی
واہ رے گنج تولا ئے محمد ارشدؒ
٭٭٭