غزل

لب بلب ہے آج تجھ سے تیرے مستانے کی خاک

خوب پہچان اے بُتِ مے نوش پیمانے کی خاک
بے سبب گڑنانہیں اس کایہاں صہباکشو
قالب ِخم میں مگرڈالی تھی مے خانے کی خاک
حشرونشرِ حسرت واندوہ دیکھارات دن
کیاقیامت خیزنکلی تیرے دیوانے کی خاک
اک ذرادامن اٹھائے اے نگارِ شمع رُد
شعلہ زارِ سوزِ غم ہے تیرے دیوانے کی خاک
وہ توکیوںآنے لگے پھرکچھ سبب اے بے خودی
گردۂ باغِ ارم ہے میرے ویرانے کی خاک
گردشِ صدجامِ وحشت ایک اک ذرے میں ہے
بزمِ صہبائے جنوں ہے تیرے دیوانے کی خاک
اے کہ گوئی تابشِ ہرذرہ ازتابِ خوراست
مطلع ِ نورِ خداہے ہرصنم خانے کی خاک
ہائے ان قسمت زدوںکے سینہ وقلب وجگر
جن کے قالب میں پڑی ہومیرے غم خانے کی خاک
ذوق ِ اہل سُکروزہدِ خشک اے دل ہائے ہائے
صرف ِ جامِ بادہ کرسبحہ کے ہردانے کی خاک
تیرے ہی جلوے ہیں جب توڑابُت ِ پندارکو
لاکھ کعبے کاہیولیٰ ایک بت خانے کی خاک
ایک اِک ذرہ ہے فردِ دفترِ صدسوزِ غم
داستاں سنجِ دل ِ عاشق ہے پروانے کی خاک
تاسحروہ بھی نہ چھوڑی تونے اوبادِ صبا
یادگارِ رونق ِ محفل تھی پروانے کی خاک
بوالہوس تجھ کواگر تھی گنج ِ مخفی کی تلاش
چھانناتھی مثل ِ آسیؔ دل کے دیرانے کی خاک
٭٭٭