غزل
اے سرِّ تخلیقِ آدمؑ صلی اللہ علیک وسلم
اے نور خلاّق ِعالم صلی اللہ علیک وسلم
اے مرے زخم جگر کے مرہم صلی اللہ علیک وسلم
اے مرے رشکِ عیسی ِمریم صلی اللہ علیک وسلم
آپ ہوئے مکے میں پیدا ذین حق نے جلوہ پایا
ہو گئے نسخ ادیانِ مقدم صلی اللہ علیک وسلم
کعبہ رہے زاہد کا قبلہ میں تو ہوں تیرا عاشقِ سیدا
قبلہ مرا تیرے ابروئے پُرخم صلی اللہ علیک وسلم
آپ ہوئے نا سوت میں پیدا دیکھ لیا لا ہوتی جلوہ
جلوۂ حق ہے ذات ِ اکرم صلی اللہ علیک وسلم
فرش سے تا سرِ عرشِ اعظم نورانی ہے سارا عالم
پھیلا ہے کیا نورِ مقدم صلی اللہ علیک وسلم
تھا نہیں کچھ بھی نشانِ عالم آپ تھے جب سلطانِ عالم
صدقے آپ کے جانِ عالم صلی اللہ علیک وسلم
فضلِ الٰہی سے ہے اس دم وقتِ حضور سرورِ عالم
کہتے جائو یارو پیہم صلی اللہ علیک وسلم
اے مرے مولا اے مرے آقا مرتا ہے اب آسیؔ شیدا
قدموں سے مل کر دیدہ پرنم صلی اللہ علیک وسلم
٭٭٭