غزل
غمِ دل برکے سواکچھ نہیں اصلادل میں
جس کوخالی کروںغم بھی نہیں ایسا دل میں
عرش ہے دل میں نہ مسجد ہے نہ کعبہ دل میں
سب سہی یار مگر گھر ہے تمہارا دل یں
نالۂ مرغ نوا سنج نہ تولا دل میں
باغ کیطرح کہاں چھتے ہیں کانٹا دل میں
اے خیالِ رخ گل رنگ چلا آدل میں
پھول بھردے صفتِ شیشۂ صہبا دل میں
سوئے دشت ایک قدم ایک ترے گھر کی طرف
سر میں سدا ہے تو ملنے کی تمنا دل میں
ہر جگہ خال رخ یار نے بدلا اک بھیس
تل بنا دیدہ عاشق میں سواید ا دل میں
آہِ دل سرو ہے، گل داغ ہیں، نالے بلبل
ہے فراق بت گل رو چمن آرا دل میں
اشک ہائے غم دنداں کو ذرا دھیان میں لا
دے جگہ موتیوں کو صورتِ دریا دل میں
کیمیا گر وہی نہ رویش ہے میرے نزدیک
ہوس زر کو کرے خوب جو کشتا دل میں
آئینے کیطرف اپنی بھی نظر بازی ہے
آنکھ بھر کر جسے گھورا اسے پایا دل میں
نہ تڑپ اس قدر اے عاشق مضطر نہ تڑپ
دھیان اس کا نہ کہیں ہو تہہ و بالا دل میں
ڈھونڈتے پھرتے ہیں کھوئے ہوئے دل کو اپنے
ہم نے جس دن سے سنا گھر ہے تمہارا دل میں
نور کے واسطے ظلمت ہے مقدم شاید
پتلیاں آنکھوں میں ہیں اور سویدا دل میں
ہائے رے چاشنی درد کہ دیتا ہے جگہ
چاک کو غنچہ گل داغ کو لالہ دل میں
داغوں میں روشنیِ شمع سرِ ُطور ہے آج
کون ہے اے شبِ غم انجمن آرا دل میں
طے کسی نے نہ کیا ذکر لسانی سے سلوک
صورتِ رشتہ سبحہ ہے یہ رستا دل میں
کل یوم ھو فی شان کی نیرنگی ہے
دیکھ تو کیا نظر آتا ہے تماشا دل میں
میں کروں دعویٰ اخلاص وفا اے توبہ
سر میں سودائے ارم ، الفت دنیا دل میں
دیدہ ہے عام تو خاصانِ محمد ؐ کے لئے
کچھ سمجھتے بھی نہیں حضرتِ موسیٰ دل میں
کارِ امروز بہ فردا مگذار اے آسی
آج ہی چاہئے اندیشہ فردا دل میں
٭٭٭