غزل

ایک جلوے کی ہوس وہ دمِ رحلت بھی نہیں
کچھ محبت نہیں ظالم تو مروت بھی نہیں
یار سے کہئے کہ فرقت ہے تو فرقت بھی نہیں
اور نسبت میں سے تمیز تو وصلت بھی نہیں
اُس کے کوچے میں کہاں کشمکشِ بیم و رجا
خوفِ دوزخ بھی نہیں ، خواہشِ جنت بھی نہیں
چمن سینہ پر داغ میں تیرا جلوہ
یار قابل تری گل گشت کے جنت بھی نہیں
جو دیا تونے وہ سب تیرے لئے کھو بیٹھے
ہاں اگر شکر نہیں یہ تو شکایت بھی نہیں
ذوق مستی کی مذمت نہ کر اتنی اے شیخ
کیا تجھے نشہ ذوقِ مئے الفت بھی نہیں
عینی معنی ہے وہ دل عاشقِ معنی جو ہوا
ہائے وہ لوگ جو دل دادہ صورت بھی نہیں
بے نیازی بھی اٹھا لوں میں تیرے ناز کی طرح
کیا و ہ طاقت نہ رہی مجھ میں تو ہمت بھی نہیں
ان کو کس منہ سے میں نظارگی دوست کہوں
صورتِ آئینہ جن آنکھوں کو حیرت بھی نہیں
کس طرح کہئے کہ دیدار دکھایا اُس نے
باغ جنت بھی نہیں ، روز قیامت بھی نہیں
زہد و تقویٰ و صلاح و ورع و حسن عمل
کچھ نہیں مجھ میں مگر کیا تری رحمت بھی نہیں
اے تمنائے مئے عیش و یہ مے خانہ دہر
جائے دردذ مئے رنگینی صحبت بھی نہیں
جذب کامل سے اسے کھینچ لو اے حضرتِ دل
کیسے درویش ہو کچھ تم میں کرامت بھی نہیں
ہوش رفتہ دم نظارہ یہ فریادی تھی
ہائے دیدار کی صورت دم رخصت بھی نہیں
خاک بینری رہِ عشق میں یہ بات چھنی
جس کو ذلت نہیں اس کو کبھی عزت بھی نہیں
کبھی آسی سے ہم آغوش نہ دیکھا تجھ کو
اثر جذب دل اہلِ محبت بھی نہیں
٭٭٭