غزل

عشق سے عشق،محبت سے محبت مجھ کو
اس قدرذوقِ بلا،شوقِ مصیبت مجھ کو
تابہ کے حسرتِ وصل وغم ِ فروقت مجھ کو
اپنی ہستی سے کسی طرح ہوغفلت مجھ کو
ہوںگنہگارمگرحسرتِ دیدارنہ پوچھ
جلوہ تیراہوتودوزخ بھی ہے جنت مجھ کو
میںبھی باطل،مری ہستی بھی سراسرباطل
یہ سُوجھائی ہے اناالحق کی حقیقت مجھ کو
عشق میں کوہ کنی کوئی بڑی بات نہیں
پائوگے لجہّ ٔ بے ساحلِ ہمت مجھ کو
وہ نہ بے باکیوںسے خوش نہ ہوس ناکی سے
ہوگئے غیرکے اعمال نصیحت مجھ کو
نورِخورشیدستاروں کومٹادیتاہے
تم ہوپہلومیں تومحفل بھی ہے خلوت مجھ کو
کہتے ہیںتم کوجودیکھاتوخداکودیکھا
خواب میںبھی تومیسرہویہ دولت مجھ کو
کوئے محبوب سے کوئی بھی نکل سکتاہے
اپنے اوہام ہوئے وادیٔ غربت مجھ کو
کیاخبرتھی کہ انہیںکے ہیں کرشمے سب کچھ
شکوۂ غیرکی ہے ان سے ندامت مجھ کو
بے حجابی کبھی ممکن نہیں جب تک میںہوں
خلل اندازہوں کردیجئے رخصت مجھ کو
عندلیبِ گُل ِرخسارہی سب جانتے ہیں
تیرے پردے نے کیایارفضیحت مجھ کو
اب تودیداردکھادیجئے،تقصیرمعاف
ہوگیاوعدۂ فرداہی قیامت مجھ کو
کیوںنہ ہوں خاکِ درِیارکہ پھرخاک نہ ہوں
آسیؔ اپنی بھی نہی ںخاک محبت مجھ کو

٭٭٭