Sada sehra samandar chahta hoo’n
Naya har  aik manzar chahta hoo’n

Gera’n hone lagi hai jis ki qurbat
Usi ka qurb aksar chahta hoo’n

Mila hai tujh se jb yeh zauqe parwaz
Tujh hi se taaqat par chahta hoo’n

Wahi khushboo hawa se maa’ngta hoo’n
Baharo’n se who tewar chahta hoo’n

Use mai’n aik ek manzar me’n dekhoo’n
Use har shai ke andar chahta hoo’n

woh jitna chahta hai mujh ko haali
use us se bhi barh kar chahta hoo’n