* Qalam hai mai'n ne uthaya naye tariqe se *
Qalam hai mai'n ne uthaya naye tariqe se
Ke likh saku'n use khat doosre tariqe se
Woh khoob urhta hai pahle kheyal ki chirhya'n
Pakarh ke lata hai phir qafiye tariqe se
Hai us ki shorat-o- maqbooliyat ka hasil yeh
Woh daad leta hai har aik "be tariqe" se
Ghareeb-e shahar ka us waqt dam ghuta tha jab
Ameer-e-shahar na bola khule tariqe se
Oboor kaise unhe'n be tariqagi se karoo'n
Jo taye huye hi nahi'n fasle tariqe se
Sabab yeh tha meri nakamranio'n ka "Sadeed"
Mai'n baat kar na saka aap ke tariqe se
172, Sutlaj Block, Iqbal Town
Lahore-18, (Pakistan)
|