|
* ZamiiN se Khalaa kii taraf jaaungaa, *
ZamiiN se Khalaa kii taraf jaaungaa,
vahaaN se Khudaa kii taraf jaaungaa,
buKhaaraa-o-baGdaad-o-basraa ke baad,
kisii karbala kii taraf jaaungaa,
chaman se bulaava bohat hai magar,
maiN dasht-e-balaa kii taraf jaaungaa,
chamaktaa damaktaa nagar chhoD kar,
phir us be-vafaa kii taraf jaaungaa,
rafaaqatoN kii raahoN meN kuchh bhii nahiiN,
yahaaN se jafaa kii taraf jaaungaa,
agar maiN na aaGaaz meN mar gayaa,
to phir intehaa kii taraf jaaungaa.
|
|