Ho ga_ii phir parbat-sii pighalnii chaahiye,
is himaalay se ko_ii gangaa nikalnii chaahiye,

aaj ye diivaar pardo.n kii tarah hilne lagii,
shart lekin thii ki buniyaad hilnii chaahiye,

har sa.Dak par har galii me.n har nagar har gaao.n me.n,
haath lehraate huye har laash chalnii chaahiye,

sirf hangaamaa kha.Daa karnaa meraa maqsad nahii.n,
merii koshish ye hai ki ye suurat badalnii chaahiye,

mere siine me.n nahii.n to tere siine me.n sahii,
ho kahii.n bhii aag lekin aag jalnii chaahiye.