* Nazar fareb-e-kazaa khaa gaii to kyaa hogaa *
Nazar fareb-e-kazaa khaa gaii to kyaa hogaa
hayaat maut se Takraa gaii to kyaa hogaa
naii sahar ke bahut log muntazir hai’n magar
na-ii sahar bhii kajalaa gaii to kyaa hogaa
na rahanumaaon kii majalis me’n le chalo mujhako
main be-adab huu’n hansii aa gaii to kyaa hogaa
Gham-e-hayaat se beshaq hai Khudkushii aasaan
magar jo maut bhii sharmaa gaii to kyaa hogaa
shabaab-e-laalaa-o-gul ko pukaar anevaalo’n
Khizaa’n sirisht bahaar aa gayii to kya hogaa
ye fikr kar ki is aasuudagii ke dhoke me’n
terii Khudii ko bhii maut aa gaii to kyaa hogaa
|