|
* Is maikade mei’n Ishq , woh tanha sharab hai *
Is maikade mei’n Ishq , woh tanha sharab hai
peena hai jis ka zahar, na peena azaab hai
sab se maze ki neend , mere shab ki neend thee
sab se haseen khawb, meri din ka khawb hai
pariyo’n ke roop-o- rang na shahzadiyo’n se dhang
laakho’n mei’n phir bhi aik wahi intekhab hai
na khush ho woh ke khush ho, wahi husn ka samaa
chera kabhi gulab, kabhi maahtab hai
saare tamashe dekh chuka hoon ' Hasan Nayeem'
is mulk ka ilaaj hi, bas inqalaab hai
|
|