Ham un se agar mil baithate hai’n kyaa dosh hamaaraa hotaa hai
kuchh apnii jasaarat hotii hai kuchh un kaa ishaaraa hotaa hai

katne lagii’n raate’n aankho’’n men dekhaa nahii’n palako’n pe aksar
kabhii shaam-e-Ghariibaa’n kaa jugnuu kabhii subah kaa taraa hotaa hai

ham dil ko liye har des phire is jins kaa gaahak mil na sakaa
ai banjaaro ham log chale ham ko to Khasaaraa hotaa hai

ham apnii zabaa’n se kuchh bhii kahe’n shaayar hai Khayaalo’n se khele’n
aa jaao to baaham mil baiThe kabhii hijr bhii pyaaraa hotaa hai

daftar se uthe kaife me’n gaye kuch sher kahe kuchh kaafii pii
puuchhaa jo mu'ash kaa "Inshaajii" yuu’n apnaa guzaaraa hotaa hai