شکستہ پر جنو ں کو آزمائیں گے نہیں کیا
 اُڑانوں کے لئے پر پھڑ پھڑائیں گے نہیں کیا
 ہوائیں مہر باں تھیں منقسم کیوں ہو گئی ہیں
 نگہ دارانِ ساحل کچھ بتائیں گے نہیں کیا
 کو ئی ہنستا ہوا سورج پسِ دیوار ِ تاریک
 فروزاں ہو ں تو دیواریں گرائیں گے نہیں کیا
 وہی پہلی سی ارزانی سرِ بازارِ پندار
 نظر آئے توہم قیمت بڑھائیں گے نہیں کیا
 سوا دِ تشنگی کے پار اک مواج دریا
 غزل خواں ہوں تو پھر تیشے اٹھائیں گے نہیں کیا
 بدلتے موسموں کی دھول ہوتے راستوں کو
 تھکے ہارے مسافر یاد آئیں گے نہیں کیا
 ***************************