Ko’ii to phuul khilaaye du’aa ke lahje meN,
ajab tarah kii Ghutan hai havaa ke lahje meN,
ye vaqt kis kii rauunat pe Khaak Daal gayaa,
ye kaun bol rahaa thaa Khudaa ke lahje meN,
(rauunat : self-importance)
Khulaa fareb-e-muhabbat dikhaa’ii detaa hai,
ajab kamaal hai us be-vafaa ke lahje meN,
yahii hai maslehat-e-Khabar-e-ihtiyaat to phir,
ham apnaa haal kaheNge chhupaa ke lahje meN,
(maslehat : expediency)