Mere jazb e dil ka asar dekh lena
Tum aaoge thaamay jigar dekh lena

Unhein tan ke seene ka aalam dekhna
Mujhe dar hai in ki kamar dekh lena

Nishana banaogey tum kya madad ko
Hamein hongey madd e nazar dekh lena

Maze lengey hum dekh kar teri aankhein
Unhein khoob tu naam e bar dekh lena

Kisi ko jala kar na aye shama khush ho
Jo kuch hoga waqt e saher dekh lena

Jo fursat mile aaina dekhne se
Mera haal bhi ek nazar dekh lena

Ibadat kaho dil ke taskeen samjho
Shab is ki sham w sahar dekh lena

Dikhana mera naam e shauq qaasid
Magar pehle in ki nazar dekh lena

Udhar se hai teer nazar chalne waale
‘Jaleel’ aaj apna jigar dekh lena