* ایک صاحب جن کے گھر بچوں کی تھی اک پو& *
ایک صاحب جن کے گھر بچوں کی تھی اک پوری ٹیم
وہ جو نکلے شام کو بازار سے لانے افیم
راستے میں ایک بچی رو رہی تھی زار زار
وہ یہ سمجھے ہے بچاری کوئی لا وارث یتیم
گود میں اس کو اٹھاکر گھر کی جانب چل پڑے
صحن میں بیٹھی ہوئی تھیں ان کی بیگم’’ بی نسیم‘‘
گود میں بیگم کی بچی کو انہوں نے ڈال کر
یہ کہا، لو گھر میں لے آیا ہوں اک دُرِّ یتیم
دیکھ کر بچی کو بیگم نے مسرت سے کہا
واہ یہ تو اپنی بیٹی ہے، خدا رکھے شمیم
کثرتِ اولاد نے کیا تم کو اندھا کر دیا
اپنی نازوؔ کو یتم اور مجھ کو بیوا کر دیا
٭٭٭
|